Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2193-Master 7
--> French version
--> Latin version
Enacted by the chapter general at Avignon 5 March, 1367.
BNCF Ms. Magl. cl. XXXII, 37, fol. 40v-41r.
De bonis fratrum mortuorum.
Propter magnam necessitatem, quam habet thesaurus, pro bono animarum et pauperum et ad tollendum contentiones est statutum, quod deinceps omnia bona mortuorum, animalium et spoliorum priorum mortuorum, castellanorum, bailivorum, preceptorum et omnium aliorum fratrum hospitalis etiam donatorum ultra mare – quod est intelligendum de Gorfo [i. e. Korfu] ultra – sint et pervenire debeant integre thesauro ultramarino, reservato statu in baiulis et aliis rebus secundum quod est stabilitum, salva reverentia magistri, qui possit capere temperate pro se et suis sociis. Et (non) propterea res fratrum conventualium de Gorfo citra debeant pervenire ad manus superioris eorum, sicut constitutum est, non obstante stabilimentis, consuetudinibus et ordinantiis observantiisque factis hinc retro, que in quantum sint contrarie huic stabilimento, sint revocate et annulate. Res, que invenientur magistrorum mortuorum, sint eorum successorum salva pecunia, que sit thesauro, sicut stabilitum et ordinatum est. Et quia magister dimittit sibi spectantes, sicut ante dictum est, est ordinatum, quod in recompensam illarum ipse habebit insulam Rodi et alias insulas propinquas libere, sine aliqua solutione, non obstante omnibus ordinationibus et statutis editis in contrarium; [et] prior conventus habebit quolibet anno a thesauro xxv florenos et magnus preceptor l florenos, miniscallus l, drapperius l, preceptori Cypri defalcentur de sua responsione c florenos.
In BNF Ms. franç. 17255, fol. 68v, the payment for the conventual prior is given as 20 fl.; the statute is missing in the nearly contemporaneous German translation of the Avignonese statutes Karl BORCHARDT, Soll-Zahlen zum Personalstand der Deutschen Johanniter vom Jahre 1367, in: Revue Mabillon 14 (2003), pp 83-113, at p. 105-107.
Cf. the statute enacted in the time of Master Fr. Foulques de Villaret, confirmed by the chapter general at Rhodes 13 September 1332.
NLM Arch. 69, fol. 16r-v.
Item magister retinet insulam Rodi ad manus suas et alias insulas et potestatem tenendi eas ad manus suas et disponendi de eis de consilio procerum, prout ei bene visum fuerit, prioratum quoque Ungarie et baiuliam duchatus Achenarum et potestatem confirmandi personis secularibus litteras rerum domus, quas ipsi tenebunt in Rodo, hec autem sic pociantur roboris firmitate, ac si facte forent in capitulo generali.