Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2109-Treasury 13
--> French version
--> Latin version
Enacted by the chapter general at Rhodes 23-24 May, 1428.
BNCF Ms. Magl. cl. XXXII, 37, fol. 57v.
Quantum salarium debeat habere ambasciator die quolibet.
Item qui[a] in tempore presenti, cum propter guerras urgentes inter Christianos cum propter modicam obedientiam, conventus incurrit in maximam neccessitatem, et propter maximam prosperitatem inimicorum fidei Christiane, a quibus se habet defendere, et oportet eum supportare magna onera maiora quam tempore preterito, propter que onera providendum est, et oportet multos ambasciatores et nuntios mittere, et si solverentur, prout in tempore preterito solvebantur, quando religio abundabat in eis, consumerentur omnes illi parvi redditus, quos oportet retinere pro sustentatione sua, pro tanto noviter est stabilitum et per presens capitulum generale ordinatum, quod nullus prior vel bailivus ex nunc in antea, qui mittitur in ambasciatorem per magistrum et conventum, habeat ordinario salario die quolibet nisi duos ducatos. Et si fuerit preceptor, qui mittetur ut supra, recipiet quolibet die unum ducatum, preter si preceptor ille erit persona, cui per magistrum et consilium fuerit visum dare plus. Et possent sibi addere per diem unum medium ducatum, ita quod recipiat ducatum unum cum dimidio eo casu et non ultra. Et in partibus istis orientalibus ambasciator non habeat per diem nisi asperos duos secundum antiquam consuetudinem. Mandando et declarando, quod ex nunc in antea propter inconvenientia, que de contrario vidimus, quilibet, qui habebit alicuius ambsaciate [!] per magistrum et conventum, teneatur personaliter reverti ad dictum conventum causa dandi responsum [et] rationem de hiis, que sibi fuerunt commissa, honorando [read: hortando or onerando] in istis consci[enti]as proborum de consilio, quod advertant et habeant respectum circa executiones et bona opera executa per ambasciatorem, si se virtuose portaverit, et ad bonum effectum reduxerit sibi commissa cum bona prudentia et sagacitate, quod ultra salarium diminutum censies habeat in eo casu et loco de beneficiis et honoribus religionis.
Next Treasury 14 | Back to the Contents