Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2091-Hospitality 16
--> French version
--> Latin version
Enacted by the chapter general at Rhodes 17 November, 1454.
BNCF Ms. Magl. cl. XXXII, 37, fol. 82r-v.
Item confirmamus, approbamus et notificamus omnia stabilimenta et ordinationes facta et factas pro bone memorie reverendissimorum magistrorum predecessorum nostrorum et presertim magistri Ioannis de Lastico ultimate defuncti late super premissis loquentia, adiungentes auctoritate nostri presentis capituli generalis infrascripta, videlicet quod domini infirmi seculares accedentes ad domum infirmariam, postquam – ut moris est dicte nostre infirmarie – confessi fuerunt, admoneantur per infirmarium et priorem ac probos religiosos dicte infirmarie, ut faciant testamentum suum. Et si dicti domini infirmi testamentum facere noluerint [read: voluerint], illud fiat per priorem vel scribam ipsius infirmarii in presentia dicti prioris vel alterius presbiteri loco prioris et duorum vel trium testium secundum formam et tenorem decretalis ‚Cum esses, de testamentis, in antiquis’, [et] sub eisdem penis contentis in dicto decretali non rescindantur. Et quod dicti prior et scriba conficientes huiusmodi testamenta habeant vigorem et auctoritatem, ac si essent notarii publici. Ipsa testamenta sint autentica sine aliqua oppositione et tale deinde testamentum registrari habeant in uno libro ad futuram memoriam, aut, si acciderit ipsos dominos infirmos ex hac vita migrare, adimpleantur voluntates et ordinatio ipsorum defunctorum pro conservatione iuris et iustitie uniuscuiusque prete[n]dentis habere ius in bonis defunctorum premissorum. Et in casu, quod dicti domini infirmi, sicut premittitur, admoniti condere nolent testamentum sive non possent, dicti infirmarius et probi homines prefate infirmarie faciant fieri per prefatos priorem sive scribam infirmarie inventarium omnium bonorum, qui invenirentur, dictorum dominorum infirmorum, ut, si deus ad pristinam sanitatem eos reduxerit, eorum bona eis integraliter restituantur. Que quidem bona sic in inventaria ponantur et claudantur in loco ordinato sub clavibus [et] custodia premissorum infirmarii et proborum virorum ipsius infirmarie.
Next Hospitality 17 | Back to the Contents