Stabilimenta Rhodiorum militum - Synopsis

based on the older manuscript tradition as well as on the French and Latin versions

© Jyri Hasecker, Hamburg / Jürgen Sarnowsky, Hamburg (2007/2022)

2080-Hospitality 5

Enacted by the chapter general at Rhodes 23 November, 1440.

BNCF Ms. Magl. cl. XXXII, 37, fol. 68r.
De instructione et ordinatione infirmarie nove.
Item statuimus et ordinamus per auctoritatem presentis nostri generalis capituli, quod ultra priorem ordinarium per hospitalarium conventus Rodi, presentem aut qui pro tempore erit, nove infirmarie eligatur et deputetur unus alius cappellanus honestus, bone et laudabilis vite et conversationis et presentetur venerabili patri spirituali priori ecclesie pro confirmando eum. Qui cappellanus teneatur celebrare missas quatuor in ebdomada et dictus prior missas tres ad hoc, ut domini infirmi quolibet die ebdomede possint audire missam et recommittere se devote domino deo nostro. Et pro servitio cappelle ipsius infirmarie dictus prior debeat continue tenere unum clericum. Et pro elemosina, labore et exercitio debeant proprio habere, possidere ut usufructuare octo magazenos dicte nove infirmarie positos versus portam maris, et de redditibus clericorum [read: dictorum] magazenorum ante omnia debeant capi florenos octo pro anno et solvi dicto clerico pro suo labore et exercitio. Et de residua dividant ipsimet equaliter dicti prior et cappelanus sine receptione et petitione alterius rei faciendo eorum debitum in celebrando, confitendo, visitando, communicando, sepelliendo et faciendo omnia alia pertinentia eis in dicta infirmaria.

Next Hospitality 6 | Back to the Contents