Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2036-Church 3
--> French version
--> Latin version
From the usances, c. 1303-1357.
NLM Arch. 69, fol. 28v.
De ieiuniis domus.
Primo fratres ieiunare debent per totam quadragesimam, qua ieiunavit noster dominus Ihesus Christus. Post pasca debent ieiunare in letania maiori, que fit in festo sancti Marci evangeliste, et die huius festi debent etiam ieiunare. Et si festum illud venerit in septimana pasce, festum ipsum et ieiunium deferatur usque ad septimanam post octavas pasce. Etiam in arrogationibus, que fiunt in septimana ascensionis domini nostri, diebus lune, martis et mercurii fratres tenentur ieiunare. Et in vigilia post pentecost et in septimana illa post pentecost ieiunium quatuor temporum facere debent. In vigilia domini sancti Iohannis Baptiste, in vigilia apostolorum Petri et Pauli, in vigilia sancti Iacobi apostoli, in vigilia sancti Laurencii martiris, in vigilia assumptionis domine nostre, in vigilia sancti Bartholomei apostoli, in vigilia sancti Mathei apostoli – et in illa septimana ieiunium quatuor temporum facere debent fratres, verumtamen, si festum venerit in die dominico vel diebus lune vel martis, fiat ieiunium quatuor temporum in illa septimana ante festum, si aliter venerit festum in die mercurii aut alia die sequenti septimane, illum fiat ieiunium quatuor temporum in illa septimana –, in vigilia sanctorum apostolorum Simonis et Iude, in vigilia omnium sanctorum, et in quadragesima nativitatis incipiente die dominico primo post festum omnium sanctorum, in vigilia sancti Andree apostoli, in vigilia nativitatis et aparitionis.
BNCF Ms. Magl. cl. XXXII, 37, fol. 101v (Italian), adds fasting for the vigil of St. Thomas. The usance is missing in the collection of usances in: Cart., 2, no. 2213, following BNF Ms. franç. 6049 (ca. 1303).