Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1427-Stabilimenta1493-Collationes 4
Frater Petrus Daubusson cardinalis et magister
iiii.(a) De melioratione preceptoriarum
Circa illud maxime intendendum est, quod preceptoriarum meliorationem concernit. Eapropter stabilimus, quod nullus preceptor aut frater, qui habet preceptorias de gratia aut cabimento, possit se cabire aut meliorare vel prioratum aut baiuliatum habere, nisi prius autentice ostenderit preceptorias, quas quocunque titulo possidet, se meliorasse reservatis baiulivis conventualibus, qui per stabilimenta ab hoc sunt exempti ratione sue residentię in Rhodo.
Next Stabilimenta1493-Alienationes 1 | Back to the Contents