Stabilimenta Rhodiorum militum - Latin version

1420-Stabilimenta1493-Fratres 1

   Frater Petrus Daubusson cardinalis et magister
i.^(a) De poena delinquentium fratrum

Multis quidem grassantibus opus est exemplo, ut formidine poene delinquentes retrahantur, qui forsitan propter virtutem ad bonum non sunt inclinati. Ideo sancimus et stabilimus, quod quicunque frater, qui propter delictum per eum commissum obnoxius est ad incarcerationem^(b) persone in turri, eam poenam patiatur secundum stabilimenta et nihilominus propter illam incarcerationem tertiam per eum perpessam perdat antianitatem pro triennio, in quo quidem termino trium annorum iuniores et filii arnaldi eius ipsum precedant in omni provisione et gradu non obstantibus stabilimentis et consuetudinibus in contrarium facientibus. Tamen pro [124v] delictorum qualitate moderamen poene reservatur arbitrio magistri et consilii ordinarii.