Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1419-Stabilimenta1493-Sgardium 1
Frater Petrus Daubusson cardinalis et magister
i.(a) De concessione sgardiorum
Ad tollenda litigia, et ne occasione sinistrorum sensuum lites exoriantur, declarantes quedam de sgardio stabilimenta sancimus, quod quotienscunque in disceptatione venerit de concedendo sgardio vel refutando – sive per magistrum sive per consilium ordinarium aut completum –, sgardium nullo modo concedi debeat contra comunem thesaurum et magistrum eorumque preeminentias, differentias et lites tam super principali quam emergentibus et connexis. Quinimmo decisio huiusmodi differentiarum et litium ac emergentium pertinet et spectat magistro et consilio ordinario vel locumtenenti magistri et ipsi consilio in his, que magistrum tangunt, nec a decisione et cognitione dictarum causarum thesauri excludi possunt venerabiles magnus preceptor et procuratores comunis thesauri, qui pro inveterata consuetudine interesse solent, quia privatas eorum causas non agunt sed communes non obstante quacunque consuetudine et stabilimento in contrarium faciente.
Next Stabilimenta1493-Fratres 1 | Back to the Contents