Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1377-Collationes 13
Frater Antonius Fluviani magister
xiii. Quorum donationi preceptorie vacantes super mare pertinent
Lites et differentias sopire cupientes, et ne ratione vacationis preceptoriarum vacantium per obitum fratrum, qui veniendo ad conventum vel discedendo a conventu in navigiis aut insulis supra mare moriuntur, controversie oriantur, ideo stabilimus, quod preceptorie vacantes per decessum fratrum, qui in navigiis vel insulis supra mare eundo vel accedendo e vita excesserint, collatio et provisio magistro et conventui Rhodi pertinent et spectant, quia in conventu Rhodi vacasse intelliguntur; reservatis preceptoriis castellanie Emposte, que in locis predictis vacantes in conventu Rhodi vacare non censentur, nisi a Modone(a) citra versus orientem vacaverint, que tunc in conventu Rhodi vacare intelliguntur.
Next Collationes 14 | Back to the Contents