Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1303-Fratres 30
Frater Philibertus de Nilliacho(a) magister
[93v] xxx. Quod fratres exerceant officia religionis
Condecens magis videtur fratres nostros ordinis officia exercere, quibus potius secreta pandenda sunt quam personis secularibus. Volumus igitur, quod officia religionis nostre fratribus idoneis conferantur, qui ea exerceant. Si tamen fratres ad ea officia exercenda pro tempore apti non comperirentur, magister et consilium seculares personas idoneas ad ipsa exercenda ad tempus poterunt deputare.
Next Fratres 31 | Back to the Contents