Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1266-Priores 17
Frater Antonius Fluviani magister
xvii. Quod in visitatione facienda priores utantur moderatis expensis
Ne preceptores, qui oneribus publicis gravantur, maiora sustineant onera, ideo iubemus, ut priores et castellanus Emposte in visitatione prioratuum pariter et visitatores moderatis expensis, equitaturis et familiis visitationes prioratuum exerceant, ne excessivis impensis preceptores graventur, quinimmo moderate et temperanter huiusmodi visitationem faciant, ne materiam querele visitati preceptores habeant. Quo in casu priores et visitatores damnum reficere teneantur.
Next Priores 18 | Back to the Contents