Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1215-Baiulivi 13
Frater Antonius Fluviani magister.
xiii. Quod preceptoria Maioricarum sit baiulia capitularis
Ad decorem et honorem fratrum prioratus Cathalonie, quos pro meritis illustrare cupimus et prerogativa aliqua insignire, hinc est, quod auctoritate capituli generalis preceptoriam Maioricarum baiuliam capitularem constituimus et esse volumus. Ille quoque, qui preceptor ipsius erit, prerogativa preeminentiaque baiulivi capitularis in nostra religione gaudeat, considerato quod ea preceptoria longo tractu maris a limitibus(a) prioratus Cathalonie sita est et satis pingues redditus prebet, quare non inmerito persona prerogativa pollens eidem prefici debuit.
Next Baiulivi 14 | Back to the Contents