Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1184-Sgardium 16
Frater Baptista de Ursinis magister
xvi. Quod caput et fratres sgardiorum assignentur absque dilatione; et de suspicione habita de fratribus sgardii
Ad omnem iusticie dilationem et suspicionem removendam statuimus, quod quotienscunque sgardium fratrum ex consensu partium aut per magistrum et consilium completum datum et concessum fuerit, quod a die concessionis infra terminum duorum dierum magister caput sgardiorum assignare teneatur. Alias urgente negligentia consilium ordinarium dilatione semota caput deputet. Baiulivi autem et pilerii linguarum in termino unius diei pariformiter suarum linguarum fratres pro sgardiis deputent idoneos. Quod si renuerint, ipsum consilium provideat. Insuper quod utraque partium duos dumtaxat pro suspectis non reddita causa suspicionis de fratribus assignandis tam pro capite quam assistentibus sgardio renuere possit. Si autem plures suspectos allegaverit, causas suspicionis legitimas ostendere magistro et consilio ordinario obligatur, qui de hoc deliberare debeant. (a)Capita enim et fratres sgardiorum partes cum silentio et attentione et earum rationes audire teneantur absque aliqua interruptione vocis aut sermonis, ne favor alicui dari videatur, sed equalitas erga omnes servetur. Si aliquis contrafecerit, pars, que se lesam senserit, contrafacientem sive caput sive fratrem(b) [69v] pro suspecto allegare possit, qui tunc non reddita suspicionis alia causa ab sgardio discedat.(a)
(b) Addition by Caoursin.
Next Sgardium 17 | Back to the Contents