Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1131-Thesaurus 35
Frater Petrus Daubusson cardinalis et magister
xxxv.(a) Quam poenam incurrunt priores negligentes in executione malesolventium
Qui in executione institutionum capitularium negligentes existunt, merito poena plecti debent. Nam eorum negligentia incuriaque damnum affert et contumacibus audaciam et impunitatem condonat, causam quoque damni dant et damnum dare videntur, propter quod de eorum negligentia digni [55v] poena dignoscuntur. Idcirco statuimus, quod, si priores, castellanus Emposte vel eorum locatenentes fuerint negligentes in facienda executione contra malesolventes iura thesauri ad instantiam receptorum et procuratorum eiusdem, eo in casu dicti priores, castellanus Emposte et locatenentes sint obligati solvere debita talium privatorum et malesolventium. Et casu, quo exequutionem faciant et nihilominus debita(b) non fuissent exoluta, in tali casu preceptorie, membra et beneficia privatorum seu malesolventium sint obligati ad dicta debita ipsi(c) thesauro exolvenda.
(b) It follows, crossed out: talium privatorum et malesolventium
(a) Venice 1495, Ulm 1496, Salamanca 1534; Ms. ipso.
Next Thesaurus 36 | Back to the Contents