Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1130-Thesaurus 34
Frater Petrus Daubusson cardinalis et magister
[55r] xxxiiii.(a) Qualiter provisio fieri debet de bailiis et(b) preceptoriis per privationem ob non solutionem iurium thesauri vacantibus
Dignum et rationi consonum est, ut hi, qui amore nolunt(c), saltem poene formidine ad rectitudinis normam(d) reducantur. Hinc est, quod quamvis contumaces in solutionibus iurium thesauri faciendis privationem incurrant, tamen consentaneum existit, ut de vacantibus beneficiis his de causis provisio fieri debeat. Eapropter stabilimus, quod de baiuliis, preceptoriis, membris, beneficiis et dignitatibus per contumaciam, inobedientiam et negligentiam malesolventium vacantibus fiat donatio, collatio et provisio per priores, castellanum Emposte vel eorum locatenentes in capitulis provincialibus vel extra – si capitulum provinciale non celebrabitur – cum consilio quatuor preceptorum vel duorum adminus, si plures non reperiantur, dicta iura benesolventium aliis fratribus privatorum debita solventibus preferendo in preceptoriis de cabimento fratres conventuales, si fuerint presentes vel in dictis prioratibus aut castellania Emposte procuratorem habuerint et debita solverint. Absentibus vero fratribus conventualibus preceptoribus conferantur ad omnem instantiam et requisitionem receptorum et procuratorum dicti thesauri seu gubernatorum eiusdem pro tempore existentium. Nihilominus intelligitur, quod in partibus occiduis per priores et castellanum Emposte huiusmodi executio fieri non potest contra preceptores et fratres in conventu Rhodi residentes dicte residentie tempore durante, quia de talibus magister et conventus disponent et providebunt, quod fiat satisfactio sub poenis predictis.
(b) Salamanca 1534; Ms., Venice 1495, Ulm 1496 missing.
(c) Salamanca 1534; Ms., Venice 1495, Ulm 1496 missing.
(d) Salamanca 1534; Ms., Venice 1495, Ulm 1496: moram.
Next Thesaurus 35 | Back to the Contents