Stabilimenta Rhodiorum militum - Latin version

based on the manuscript in the National Library of Malta, Archives of the Order of St. John, no. 244

© Jyri Hasecker, Hamburg / Jürgen Sarnowsky, Hamburg (2007/2022)

1125-Thesaurus 29

---

   Frater Baptista de Ursinis magister
xxviiii. De iocali, quod capere debet magnus preceptor de spoliis fratrum

Stabilimus non obstante quacumque consuetudine in contrarium faciente, quod magnus preceptor sive eius locumtenens capere de spoliis fratrum decedentium aliquod iocale non possit nisi ad summam florenorum Rhodi currentium quinque dumtaxat et non plurium. Quod quidem iocale in computo tabularum aut stipendiorum, que sumit a thesauro, ponatur.

---

Next Thesaurus 30 | Back to the Contents