Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1113-Thesaurus 17
Frater Ioannes de Lastico magister
xvii. De procuratoribus communis thesauri
Circa iurium et bonorum publici erarii conservationem non satis potest esse diligens cura et vigilantia. Idcirco pro conservatione et utili administratione predictorum ultra et preter magnum preceptorem, qui ratione sui officii huic [51v] exercitio expresse est deputatus et ab eo dimoveri non potest, duos probos religiosos utiles et discretos ex baiulivis aut prioribus ordinis nostri Rhodi assistentibus – his quoque deficientibus ex baiulivis capitularibus vel locatenentibus baiulivorum conventualium – per magistrum et consilium summa cura eligi iuramento interveniente iubemus, quorum officium per annum durare debeat, in cuius fine computum reddere teneantur aliis duobus, qui eorum loco suffecti erunt. Ad conservationem quoque dictorum iurium et bonorum ipsi magnus preceptor et procuratores capsas utiles et optimis seris clausas, quarum claves scilicet quilibet ipsorum trium unam teneat, habeant pariformiter raubas et alia bona dicti erarii in magasenis seu voltis reponant et locis aptis recludant sub eorum clavibus, de quibus nulla fiat distributio, nisi prius per conservatorem et scribam thesauri in(a) libris diligenter annotetur.
Next Thesaurus 18 | Back to the Contents