Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1101-Thesaurus 5
Frater Elyonus de Villanova magister
v. Quod nullus apponat manum spoliis fratrum vel iuribus comunis thesauri
Bona quidem spoliorum fratrum nostrorum pleno iure nostro thesauro spectant et pertinent. Ideo nulli licet nec(a) aliquo modo permittitur nisi his, qui auctoritatem a thesauro habent, sumendi, tractandi aut capiendi pecuniam, vasa argentea, aurum, argentum, iocalia seu quecumque alia bona fratrum(b) decedentium. Qui contrafecerit, si, quod captum fuerit, marcham argenti excedat, habitu privetur. Si intra marcham damnum fuerit, quarantene poena plectetur. Pariformiter qui manum responsionibus et iuribus thesauro(c), magistro et conventui pertinentibus apposuerit aut ea surripuerit, perdat habitum, et nihilominus, quod subtractum fuerit, thesauro ex bonis delinquentis resarciatur.
(b) Venice 1495, Ulm 1496, Salamanca 1534; Ms. fratrumque crossed out.
(c) In front, crossed out teh.
Next Thesaurus 6 | Back to the Contents