Stabilimenta Rhodiorum militum - Latin version

1025-Receptio 15

   [29r] Frater Antonius Fluviani^(a) magister.
xv. De etate recipiendorum.

Nullus frater aliquem ad professionem religionis nostre recipere et ei habitum conferre pręsumat, nisi admittendus ętatis sue quartumdecimum annum compleverit. Probationis nanque annus in ordine nostro legitimis et iustis causis denegatus est, et penitus inane existit eos religioni ascribere, qui se votis adigere nequeunt, et quorum vires obsequium ordini et tuitioni fidei catholie suppeditare non possunt. Puerilis enim et tenera etas prorsus imbecillis dignoscitur. Ideo, qui anno quartodecimo recipiuntur, antianitate non gaudent nec soldeam, sed dumtaxat tabulam et vestitum a thesauro sumunt, quousque annos octo et decem ętatis sue compleverint. Exercitium nanque armorum corporis robur et animi vigorem postulat. Quare, qui obsequiis apti nondum^(b) sunt, prerogativis gaudere non debent.