Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1024-Receptio 14
Frater Antonius Fluviani magister.
xiiii. Quod priores et castellanus Emposte absque licentia possunt recipere fratres capellanos, servientes et donatos.
Convenit et religioni conducit, ut pro rerum ingruentia ordini consulatur. Ideo prioribus et castellano Empostę fratres capellanos, servientes et donatos pro locorum necessitate in prioratibus et castellania Empostę licentiam recipiendi concedimus. Attamen, qui sic recepti in fratres servientes fuerint, servientes armorum non intelligantur, nisi de expressa magistri licentia recipiantur. Adiicientes, quod prior et castellanus Empostę vel preceptor, ad cuius instantiam fratres capellani, servientes ac donati recipientur, eis stagia dare tenentur(a) atque de victu et vestitu providere obligatur.
Next Receptio 15 | Back to the Contents