Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1012-Receptio 2
Consuetudo.
ii. De qualitate et gradu admittendorum ad professionem.
Ordo noster suppositorum religiosorum tres gradus habere dignoscitur: milites, sacerdotes et servientes, quosdam armorum, alteros officii. Qui vero sub gradu militię ad hoc idoneus(a) et aptus(b) pro forma stabilimentorum et consuetudinum ad professionem ordinis nostri admitti postulabit, priusquam habitum suscipiat et professionem faciat, cingulo militię decoretur necesse est. Si autem ab aliquo principe catholico aut altero facultatem militiam prestandi habente militię insignia non fuerit adeptus, a fratre milite ordinis nostri suam professionem recipiente aut altero fratre milite militie huiusmodi insignia secundum consuetudinem militiam prestandi recipiat, et demum ordine prę tacto professionem ineat. Capellanos autem et servientes armorum et officii insigniis(c) militie decorare non oportet nec consuetum nec ordinatum est, sed sub eorum [27r] gradu ad professionem admittuntur.
(b) Salamanca 1534; Ms., Venice 1495, Ulm 1496 apti.
(c) Venice 1495, Ulm 1496, Salamanca 1534; Ms. insignis.
Next Receptio 3 | Back to the Contents