Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
421-Statuts1493-Freres 2
[q5r]
Frere Pierre d’Aubusson cardinal et maistre
ii. De ceulx qui impetrent lectres pour avoir benefices
Pourquoy aulcuns insolents, en vergoigne et dommaige de nostre religion et chevaliers d’icelle, par hardement temerayre presument contre la forme des establissemens impetrer, par eulx ou interposées personnes, lectres et commendations des personnes estranges, pourtant, desirans obvier à telle insolence, et ceulx qui pour reverence d’obeissance ne desistent de telle impetration, au moins par pour de la peine soyent retirez, doncques, adherans ausditz establissemens, stabilissons que tout frere qui fera et obtiendra telles impetrations de lectres et commendations et sera convict de tel delit perde l’ancienneté pour le terme de dix ans. Et puissance à chascun est donnée sans peine de accuser et prouver contre telz delinquens affin que d’icelle insolence les freres soient cohibés et restraincts.
Next Statuts1493-Elections 1 | Back to the Contents