Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
422-Statuts1493-Elections 1
[q4v]
Des elections
Frere Pierre d’Aubusson cardinal et maistre
i. De la maniere de eslire le tresorier general
À honneur de la religion, consideré que le tresorier general est bailly capitulaire, est chose conveniente que selon la forme des baillifz capitulaires soit esleu. Pourtant establissons que le tresorier general, de la venerable langue de France baillif par chappitre, soit esleu par maistre et conseil ordinaire en la maniere et forme que les autres baillifz capitulaires sont esleuz, de freres de ladite langue residens tant au couvent de Rhodes que hors ou es parties d’Occident, ayant plus tost regard à la bien merence que ancienneté, saulve toutesfois (a)la sinotation(a) de ladite langue. Et que le bailly tresorier, retenu le tiltre de baillif tresorier, puist partir du couvent de Rhodes avec licence que soit donnée – laquelle soit concedé(b) en telle maniere qu’est [q5r] acoustumé aux autres baillifz capitulaires – par maistre et conseil comply. Et joysse des prerogatives, tant present comme absens du couvent de Rhodes, de laquelle joyssent les autres baillifz capitulaires. Entendu que aye la garde de la bulle de fer soubz les seaulx acoustumés en la forme acoustumée. Adjoinct aussi que en son absence de Rhodes le maistre et conseil ordinaire eslisent et deputent lieutenant de tresorier, lequel garde ladite bulle car en la conservation d’icelle a grant poix. Lequel ayt la moictié des gaiges du tresorier, non obstant quelconque establissement faisant au contraire.
(b) concelle.
Next Statuts1493-Elections 2 | Back to the Contents