Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
420-Statuts1493-Freres 1
[q4v]
Des fréres
Frere Pierre d’Aubusson cardinal et maistre
i. De la peine des freres delinquens
Quant(a) plusieurs sont accoustumés à mal faire est necessaire de donner exemple affin que les delinquens soyent retraictz pour paour de la peine, qui(b) pour aventure par vertu ne sont enclins à bien faire. Pourtant nous establissons que tout frere qui pour aulcun delict par luy commis sera obligié à estre mis en prison doye souffrir icelle peine selon la forme des establissemens. Et neantmoins(a) pour celle incarceracion trois fois par luy soustenue et incourue, perde l’ancienneté pour le terme de trois ans, ou quel terme leurs filz arnaulx(d) le precedent en toute provision et [q5r] degre, non obstans establissemens et coustumes faisans au contraire. Toutesfois, selon la qualité du delit la moderation de la peine soit reservée à la volunté du maistre et du conseil ordinaire.
(b) que.
(c) neautmoins.
(d) aruaulx.
Next Statuts1493-Freres 2 | Back to the Contents