Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
419-Statuts1493-Esgard 1
[q4v]
Des esgards
Frere Pierre d’Aubusson cardinal et maistre
i. De la concession des esgards
À estaindre et effacier litiges et differences et affin que pour cause de sinistre intelligence elles ne naissent, declarans aulcuns establissemens des esgards, nous establissons que toutes et quantesfois es litiges de donner esgard ou de le refuser, ou par maistre ou par conseil ordinaire ou comply, que en nulle maniere l’esgard se doye donner contre le commun tresor et maistre et leurs preeminences, differences et lites, tant sur le principal que emergences et connexes, mais telle decision desdites differences, litiges et emergences appartient au maistre et conseil ordinaire, ou lieutenant de maiste et audit conseil es choses qui concernent le maistre. Ne aussi de la cognoissance et decision desdites causes du tresor se puissent exclurre le grant commandeur et procureurs du commun tresor, qui selon l’ancienne coustume y doibvent estre presens, veu que ne deffendent leur particulieres causes, mais communes, non obstant quelconque coustume et establissement faisans au contraire.
Next Statuts1493-Freres 1 | Back to the Contents