Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
417-Statuts1493-Tresor 7
[q1v]
Frere Pierre d’Aubusson cardinal et maistre
vii. Que soit deputé aulcun qui tiengne(a) compte de ce que se recevra par le conservateur general
À sublevacion de la charge du conservateur general et affin que plus clerement appare ce que le conservateur en nom du commun tresor reçoyt, nous establissons que par maistre et conseil ordinaire soit deputé et esleu aulcun frere de l’ordre, adce ydoine et apte, qui tiengnea diligamment le [p2r] compte liquide et cler de tous les deniers et choses quelconques, lesquelles de jour en jour le conservateur general en nom du commun tresor recepvra ; en la reddicion desquelz iceluy deputé soit present ; et aussi en la reddicion des comptes du conservateur doye assister ; et que soyent tenuz deux livres des choses que seront receues, l’un envers le conservateur et l’autre le deputé soit. Lequel deputé les choses receues es deux livres dessusdites escripve et note affin que des choses se aye clere notice. Et que le maistre et conseil ordinaire assignent audit deputé pour gaiges apercevoir du tresor ce que leur sera bien. Et soit oudit office le deputé pour le terme au maistre et conseil bien veu. Lequel passé, ledit deputé ou aultre selon la ydoneité et sufficience que se trouvera soit sobrogue.
Next Statuts1493-Chappitre 1 | Back to the Contents