Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
416-Statuts1493-Tresor 6
[q1v]
Frere Pierre d’Aubusson cardinal et maistre
vi.(a) Que les bulles de ancienneté ne soyent en prejudice, du tresor, maistre et prieurs
Pource que aulcunesfois sont nascues differences et pourroient naistre pour et à cause des anciennetés qui se donnent, pourtant, consultant à l’indennité de nostre commun tresor, et desirans estaindre les differences, nous instituons que les anciennetés et provisions qui se donnent et font à commanderies qui vaqueront ne soyent en prejudice de droitz de nostre commun tresor, mortuorons, vacans et despouilles et charges imposées ou qui se imposeront, ne aussi en prejudice des collacions et preeminences magistrales, ne aussi des donacions de preeminence priorale, lesquelles demeurent en leur force selon la forme des establissemens et concordes eues. Et que les freres qui auront ensuyviz et en prieurés, chastellanie d’Emposte et commanderies ou bailliages par vertus desdites anciennetés ou terme d’un an du jour de ladite assequucion doyent obtenir lectres confirmatoires du maistre et conseil ordinaire.
Next Statuts1493-Tresor 7 | Back to the Contents