Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
399-Alienations 5
[p3v]
Frère Raymond Berenguier maistre
[p4r] v. Que frère ne peut impignorer ou obligier les biens de nostre religion
Chose grave et hors de toute raison est entendue que les biens desdiez à la défence de la foy catholique soient alienez par ceulx qui principalement les doyent garder. Et pourtant il n’est point licite à aucun frère de nostre ordre, de quelque condicion que soit, de vendre, impignorer, aliener ou aulcunement obliger soubz couleur de seelz des priorées ou autrement les biens de nostre religion, meubles ou immeubles, ou d’iceulx faire donacion ou provision à vie ou à temps à personnes séculières ou qui ne sont point profex de nostre religion sans licence et consentement du maistre et chappitre général, réservé aulx advocatz de nostre ordre puissent donner aucunes provisions amodérées et atrempées et non perpétuelles, lesquelles le trésor ne doye payer. Qui contrefera incoure la privacion de l’habit et tout ce qui sera fait contre ceste institucion soit de nulle valeur.
Next Alienations 6 | Back to the Contents