Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
333-Freres 60
[n4r]
Frère Pierre d’Aubusson cardinal et maistre
lx. De la plaincte qui se doit faire par les frères
Pource que plusieurs abusions sont nascues pour l’occasion des plainctes et querelles qui sont faictes par les religieux adhérens à la coustume des plainctes faisant mencion en chappitre que jusques au tiers chappitre la puist retenir, qui est chose redondant et contraire et reprouvée intelligence dont plusieurs différences entreviennent. Pour tant, quelzconques observances ou coustumes soient adce revocans, establissons que quant aulcun frère vouldra faire plaincte ou querelle d’autre frère pour aucun cas duquel n’aura(a) certesse, adoncques doye comparoir devant le maistre et conseil comply ausquelz demande terme auquel puist estre certiffié du cas de la querelle, sur quoy le maistre et conseil comply, entendue la qualité du cas et meuremnt pensé, donront(b) le terme que bien veu leur sera, lequel passé et le cas non prouvé la querelle soit nulle et incontinentz soit entendue estre expirée.
(b) douront.