Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
332-Freres 59
[n3v]
Frère Pierre d’Aubusson cardinal et maistre
lix. De la manière de faire les preuvez de l’eage des frères
Pource que aulcunesfoiz en la preuve de l’eage des frères entrevient prolixité et doubte nous establissons que les tesmoings à instance des frères voulans prouver leur eage doyent estre faictes en chappitre provincial, présent le prieur ou chastellain d’Emposte ou les lieuxtenans dicelluy prioré es limites du quel est né. À telles preuves faire la partie adverse contredisans à l’eage sans aultre citacion, vocacion ou monicion par vertu de ceste institucion soit tenu comparoir en chappitre provincial personellement ou par procureur legitime. Aultrement, non obstant sa coutumace, à instance de la partie qui voudra prouver son eage le prieur, chastellain d’Emposte ou leurs lieuxtenans et chappi-[n4r]tre provincial doyent procéder à faire ladite preuve à laquelle commandons estre donnée foy.