Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
326-Freres 53
[n2v]
Frere Pierre Raymond Sacoste maistre
liii. Que les freres ne bastent personnes seculieres(a)
À eviter scandales qui pourroyent entrevenir pour causes des injures faictes aux personnes seculieres nous establissons que le frere de nostre religion qui batera ou frapera personnes seculieres de baston, epée ou aultre maniere de glaive, secretement ou manifestement, par soy ou par autres, soit en la tour par l’espace de deux moys. Et si fera griefve playe ou enorme perde l’ancienneté. Laquelle peine aussi doit encourir se pour aucun prendra bandoles ou parcialitez de batailles. Et si fera homicide perde l’habit lequel jamais ne puist recouvrer, mais soit mis en prison perpetuelle, en telle maniere que pour ces cas les delinquens ne pevent estre mys en septaine ou quarantaine. Et s’il estoit mys, neantmoins soient pugniz desdites peines.