Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
325-Freres 52
[n2r]
Frere Pierre Raymond Sacoste maistre
lii. De la deambulation des freres ou couvent de Rhodes
Les religieuses personnes doibvent en toutes choses garder honnesteté. Pourtant nous establissons que les freres doresenavant ne puissent aler ne issir hors du chastel de Rhodes [n2v] sans licence du maistre ou du mareschal, se sera cause urgente et raisonable, entre les heures de la campane du disner et du soupper, mais en icelluy temps doyent convenir en la loge du couvent et là jouer à l’arbaleste. Ouquel excercice soient contrains par le mareschal ou à autre excercice d’armes affin que apprengnent les coustumes bellicioses desquelles puissent user quant sera necessité à la tuicion de la foy. Mais devant la campane du disner et apres celle du souper puissent aller hors du chasteau, le girant ou aller sur muraille ou yssir jusques à l’eglise de Saint-Sebastien, mais ne pevent aler par la cité, sinon à cheval et deux à deux et le filz arnould en compaignie de l’ancien ou moins de troys ans. Qui contrefera soit puny de quarantaine de laquelle doyent garder les sollenités, seant et mengeant en terre de la benediction du disner et souper jusques à grâces et complissent toutes les aultres choses selon l’ancienne coustume.