Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
323-Freres 50
[n1v]
Frere Jacques de Milly maistre
l. Que les freres ne partent du couvent de Rhodes sans licence
Il n’est chose qui puist causer plus grant peril en nostre ordre que sans consentement du souverain lesser Rhodes ouquel lieu consiste l’estat et honneur de nostre ordre qui par tout effort contre ennemys de la foy se doibt deffendre. Et pourtant n’est licite ne permis aux freres de nostre religion, de quelque office ou dignité que soient, partir du couvent de Rhodes secretement ou publicquement sans expresse licence du maistre, laquelle soit mise en escript. Se aulcun contrefera incontinent sans aultre admonestement, vocation ou citacion soit privé de l’habit et des benefices et soit entendu estre privé.