Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
321-Freres 48
[n1r]
Frère Jehan de Lastic maistre
xlviii. Que les freres sergens d’armes doyent excercer les offices accoustumées
Il est chose juste et raisonnable que chascun joysse de son degré. Et pourtant voulons que les freres sergens d’armes gouvernent et administrent les offices que par coustumes leur appartiennent, comme sont la volte, grenier, petite commanderie et autres offices acoustumées à leur estat. Et le frere chevalier qui ces offices demandera soit reputé du degré et ordre de frere sergent, et neantmoins(a) ledit office ne peut avoir se non par le maistre et conseil soit veu estre apte et ydoine à icelluy excercer. Lesquelles choses faictes, soient ordonnées preudommes par [n1v] ceulx à qui appartient, qui doibvent attendre à la reformacion desdiz offices. Et qui fauldra soit puny selon l’exigence du cas et lesdiz officiers soyent muez de deux ans en deux ans.