Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
311-Freres 38
[m6v]
Frère Anthoine Fluvian maistre
xxxviii. Defence de usure
Par loy divine et humaine est ordonné que aulcun ne face usure, laquelle chose comme damnable est deffendue aux séculiers personnes par bonne raison les religieux à Dieu desdiez et à la defence de la foy deputez doibvent éviter ledit vice. Et pourtant n’est licite à noz frères, de quelque condition que soient, excercer usure et faire contraicts illicites et usuraires. Se aulcun contre ceste institution adherente au droit divin présumera faire, si sera commandeur incontinet soit privé dicelle commanderie et par le terme de dix ans soit inhabile à obtenir commanderie. Et se sera frère couventual par ledit terme perde ancienneté ou quil ne peult avoir chevissement ou commanderie. Et les deniers desquelz est commis l’usure soient appliqués au trésor ; et ce que oultre le principal sort par usure sera acquis soit restitué à celluy avec lequel l’usure est faicte.