Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
304-Freres 31
[m5r]
Frère Philibert de Nailhac maistre
xxxi. Que les frères ne tirent en jugement les frères de nostre ordre hors de nostre religion
Chose absourde et totalement alienée de nostre religion, laquelle aulcunesfoiz luy a donné grant dommaige, que les frères députez à la défence de la foy catholique soient empeschez en differences litigieuses et que transportent à autre juge laissant le lien d’obédience. Veuz que sont subgiectz aux establissemens et coustumes par lesquelles deffendent leur droit et sont jugés par le jugement de nostre ordre sans dilation affin que les causes abreviées soient estainctez et noz frères francs de differences myeulx puissent(a) vacquer à l’excercice des armes, et pourtant par prudente(b) institution est ordonné que noz frères pour quelconque chose et aulcune manière ne puissent tirer en jugement les frères de nostre ordre hors de nostre religion devant juge ecclesiastique ou seculier et contre iceulx procéder et contester la lite ou faire proces declinant du jugement de nostre religion. Se aulcun contrefera perde son anciennité et soit privé de toute administration pour cinq ans.
(b) prudence.