Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
300-Freres 27
[m4r]
Frère Raymond Berenguier maistre
xxvii. Que les frères ne doibve user de previleges sans licence du souverain
Les previleges sont données à ceste cause(a) affin que selon le deu ordre diceulx chascun doye user et ne soit commis aucun abus. Et pourtant est deffendu à noz frères et donnez que sans licence du maistre ou du prieur ou du chastellain d’Emposte ne doyent user des previleges. Qui(b) contrefera soit privé de l’habit et le donné perde la compaignie des frères et soit mis en prison. Toutesfois, se par aulcun cas occurent la célérité constraindist, et fut nécessaire d’aleguer les previleges, et que par absence du maistre ou prieur ou chastellain d’Emposte ladite licence ne se pourroit prestement avoir pour quoy dommaige peut ensuivre, adoncques les frères et donnés avec conseil de juristes [m4v] et consentement des conseilliers de nostre ordre puissent produir et alleguer lesdiz previleges.
(b) que.