Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
291-Freres 18
[m2v]
Frère Elyon de Villenove maistre
xviii. Des biens recouvrés par les frères des mains des séculiers
Désirans pourveoir à l’indennité de nostre ordre nous establissons que se aulcun frère recouvrera ou reduira à l’obéissance de nostre religion commanderies, rentes, lieux et possessions [m3r] occupées par séculiers ou aultres personnes estranges de nostre ordre et tenuz par force telz biens et possessions recouvrez soient donnez par maistre et couvent au frère qui les recouvre à sa vie. Lesquelz ne luy pevent estre levez par justice de quarantaine. Et de telz biens et commanderies recouvrées ne soyent tenuz payer responsion au commun trésor si non ce que les seculiers premièrement payoient. Et le frére les doibt recouvrer avec(a) licence de son souverain. Et premièrement les commandeurs des commanderies ausquelz appartienent lesditz biens alienés se doivent amonnester que iceulx biens doibvent recouvrer en terme de trois ans qui soit assigné par le souverain. Et se le refuseront de faire ou ne le recouvreront en icelluy temps, adonc le frère à qui licence sera donné iceulx recouvre et face diligence les integrer à nostre religion.