Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
287-Freres 14
[m2r]
Frère Elyon de Villenove maistre
xiiii. Du frère qui laissera l’habit de son bon gré es parties de povent
Se frère par suggestion du maulvais esperit ou par inconstance laissera l’abit de nostre ordre de sa propre auctorité estant hors de Rhodes et puis se repentira et voudra retourner à nostre religion, adoncques puist venir seurement et franchement en Rhodes et entrer en l’ospital des malades, au quel l’enfermier pourveoye des choses nécessaires jusques à tant que dicelluy sera ordnonné par maistre et couvent se misericorde luy doit estre faicte ou non. Et se ne luy sera pardonné que adoncques luy soit donnée puissance d’aler où vouldra.