Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
257-Prieurs 8
[l4r]
Frère Dieudonné de Gouzon maistre
viii. Que le prieur puist administrer justice des frères retenuz
Désirans obvier aux abus des exempcions et retencions desquelles plusieurs insolentement usent et se aulcune chose enorme ont(a) commise par vertu dicelle se soubtrayent de l’obéissance du prieur obligeant et alienant les biens de nostre religion et commectant grans faultes en prenant des personnes séculiers deniers en prest, pour lesquelles choses differences naissent. Et pourtant affin que la retencion esdiz cas ne le adjude establissons que le prieur et chastellain d’Emposte esditez faultes puisse administrer justice des retenuz, exepté de privacion d’abit, non obstant la retencion faicte.