Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
243-Baillifz 41
[k8v]
Frere Baptiste des Ursins maistre
xli. Du bailly par chappitre de la venerable langue d’Auvergne
Pource que la venerable langue d’Auvergne est aornée de nobles chevaliers et est dotée de peu de dignitez pour lesquelles entreviennent ou conseil, selon la amplesse d’icelle langue qui tousjours donne subsides à la religion et ne refuse de porte grans charges, pourtant les venerables freres d’icelle langue instamment ont requis que leur fut donné ung bailliage par chappitre. Et nous, desirans pourveoir à l’honneur d’icelle langue, par l’auctorité de chappitre general, eslisons et creons en ladite langue d’Auvergne ung bailly par chappitre – qui soit es conseilz et use de preeminences de bailly par chappitre – nommé de Lureuil. Et donnons auctorité et puissance à ladite langue de deputer la commanderie de Lureuil laquelle aussi deputons pour ledit bailliaige par chappitre. Et icelle commanderie soit tenue et posseye en la maniere et forme comme les aultres commanderies et bailliez par chappitre s’accoustument posseye et tenir avec les preeminences accoustumées.
Next Baillifz 42 | Back to the Contents