Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
244-Baillifz 42
[k8v]
Frere Baptiste des Ursins maistre
xlii. Du bailliaige par chappitre de Casp[e](a)
[l1r] Il appartient à nostre ordre poursuivir de grâce et faveur les chevaliers ornez de vertuz et meritez affin quant se verront honnorez soyent plus ardans de faire louables services. Nous adoncques, voyans les venerables freres de la venerable langue d’Arragon et Cathaloigne resplendir de vertuz, suymes esmeuz leur donner aulcun tiltre de bailliaige par chappitre. Et pourtant par l’auctorité capitulaire creons, instituons et ordonnons en ladite langue la commanderie de Casp[e](b) bailliaige capitulaire affin que doresenavant, selon la coustume des baillifz capitulaires, ceulx qui seront esleuz soyent entenduz estre baillifz capitulaires et doyent joyr des preeminences de baillif capitulaire et soyent incorporez es conseilz comme les aultres selon l’ordre de leur premiere institucion.
(b) Caps.
Next Baillifz 43 | Back to the Contents