Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
154-Conseil 7
[h6r]
Frere Pierre Raymond Sacoste maistre
vii. Que les opinions et deliberations des conseilz soyent mises en escript et pronunciez par le vicechancellier
La memoire de l’omme est moult labile, à la subvention de laquelle saigement et subtilement sont trouvées les lectres affin que les choses justement deliberées ne venissent à perir et les hommes feussent privez de leur introduction et reigle, car les actes sont recommandez à l’ordre de lectres. Et pourtant noz majeurs et anciens par grant prudence ont mis par escript les deliberations du senat, les ordinations du peuple, les loix, les canons et decretz et [h6v] iceulx ont voulu ordonner, desquelz les absens et ceulx qui estoient advenir puissent user. Aux vestiges desquelz inherens nous establissons(a) que les opinions et voix données en conseil sur choses ardues et de grant importance soient mises en escript se semblera de faire par nostre vicecancellier affin que tousjours apparent. Laquelle chose voulons estre observée devant que soient gictées les ballotes. Adjoindant que les deliberations et sentence des conseilz soient premierement escriptes par le vicecancellier, et apres en escript avec intelligible voix devant le conseil soient aux parties signifieez et promulguees par ledit vicecancellier.