Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
155-Conseil 8
[h6r]
Frere Pierre Raymond Sacoste maistre
viii. Que ne soit donnée licence de partir du couvent aux baillifz et prieurs se non par maistre et conseil comply
Desirans abolir et lever toutes les occasions par lesquelles le couvent soit privé de la presence des baillifz et prieurs, pourtant nous establissons que le maistre ne peult donner licence de partir du couvent de Rhodes aux baillifz couventuaulx et par chappitre et prieurs ou chastellain d’Emposte sans sceu et le consentement du conseil comply, en telle maniere que les trois pars dudit conseil concordent en une opinion, aultrement la deliberation soit nulle. Et se le maistre contrefera que telle licence soit de nulle efficace, et que soit procedé contre ceulx qui par vertu de telle licence sont departis comme contre ceulx que presument partir de Rhodes sans licence.