Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
127-Trésor 31
[g6r]
Frere Pierre d’Aubusson maistre
xxxi. Des charges du tresor qui se doivent payer pour les membres
La institution de nostre religion ad ce tient sa consideration affin que chascun, apres l’observance des veuz, par esgale portion supporte les charges publicques. Pourtant nous establissons que tous les freres de nostre ordre qui possedent et tiennent membres ou possessions des commanderies, des prieures ou chastellanie d’Emposte doyent payer au tresor les droiz dicelluy imposez ; et que se imposeront pour le rate et portion de la valeur desditz membres et possessions, inclusés oudit valeur les pensions(a) reservées aux commandeurs. Declairant que le tresor estant l’imposition des demyes années preigne la moicté de la valeur, et quant sera imposition du quart preigne la quatriesme de la valeur comptée la moictié ou le quart que le trésor prend des commanderies pour les pensions reservée, c’est assavoir que le tresor sans aulcune faulte doye prendre des commandeurs et pensionnaires des membres la moictié ou le quart ou autre portion en temps de l’ordinaire imposition affin que aulcune fraulde ne adveigne à l’imposition.