Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
115-Trésor 19
[g4r]
Frère Jehan de Lastic maistre
xix. Que les receveurs doient prendre le droit du tresor de ceux qui tiennent la possession des commanderies
Le nostre commun tresor lequel nourrist et gouverne noz freres ne doit recepvoir dommaige pour les differences et litiges de contencieuses personnes, car ce qu’est appliqué à nostredit commun tresor ne doit estre converty en usaiges litigieux. Pourtant nous establissons que les recepveurs de nostre commun tresor, sans avoir aulcun regard aux litigans, doient demander et recevoir ale droit du tresor(a) de ceulx qui par quelconque maniere tiennent les priorez, commanderies et maisons à cause desquelles on a difference et question, neantmoins non entendons que par ce soit fait aulcun prejudice au droit des parties ; [g4v] et se ceulx qui tiendront les benefices refusoyent payer que incontinent encourent la peine de la privacion de l’habit et perdent leur droit et contre telz soit procedé comme inobediens et rebelles.