Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
090-Hospitalité 15
[f6r]
Frere Jehan de Lastic maistre
xv. Que deux chirurgiens soyent députez au service de l’enfermerie
L’art de chirurgie est chose digne et moult utile à humain lignaige qui subvient aux griefves playes. À laquelle excercer sont requis hommes de foy prouvée et de science experimentée. Et comme soit ainsi que plusieurs malades de playes ou aultres accidens viennent à l’enfermerie est nécessaire avoir chirurgiens pour iceulx curer et médeciner. Et pourtant désirans pourveoir à la santé des [f6v] malades nous establissons que au service diceulx soient députez et esleuz deux chirurgiens de foy prouvée et art experimentée qui premièrement doyent estre examinez par les médecins et par eulx approuvez ; et que sont aptes et ydoines, aultrement par nesune manière ne soyent admis.
Next Hospitalité 16 | Back to the Contents