Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
083-Hospitalité 8
[f4r]
Frere Jehan de Lastic maistre
viii. Que soit faire inventaire des biens et utensilles de l’enfermerie
Il est chose moult absourde que les choses députées aux services des malades par negligence soient perdues et converties en seculiers services. Et pourtant par bonne raison est estably que les preudommes et hospitalier diligemment chascun an doyent querir, recongnoistre et veoir les laissés, dons et utensilles de l’enfermerie et facent inventaire auctenticque en presence de l’enfermier et du prieur et de tesmoings(a) de tous les utensilles et biens d’icelle enfermerie – c’est assavoir vaisselle d’argent, [f4v] d’or, d’estaing, aram, litz, couvertes, linceulx, esparviez et autres choses deputez et aptes aux litz, et aussi de tous aultres biens et utensilles, de quelque condicion que soient, deputez au service de la chappelle, palaix, chambres et aultres offices – et doyent signer et buller ledit inventaire et en iceluy annoter et mectre les estimes et valeur des choses. En oultre iceulx biens et utensilles soyent signés et sigillés d’aulcun signal ou bulle et commandent que soyent conservez en lieu seur et ydoine. Commendons à l’enfermier sur peine de privation de son office que en aulcune maniere ne presume, secretement ou manifestement, directement ou indirectement, prester ou porter ou convertir en aultres uts aulcunes choses desditz biens hors icelle enfermerie.
Next Hospitalité 9 | Back to the Contents