Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
082-Hospitalité 7
[f4r]
Frere Jehan de Lastic maistre
vii. Des deux preudommes de l’enfermerie
Nul ne se doit esmerveiller si tant diligemment entendons à la cure des malades – au service desquelz par le commencement de nostre religion suymes desdyés –, car en icelluy excercice le œuvres de misericorde sont complyes au salut des âmes de noz fondateurs, protecteurs, bienfaicteurs, freres, seurs et confreres. Pourtant par ampliation dudit service nous establissons que le maistre et conseil ordinaire chascun an doyent eslire deux preudommes discretz et de louable vie, religieux de nostre ordre adce ydoines, indifferentement de toutes langues inspecteurs et visiteurs d’icelle enfermerie. Lesquelz ne puissent estre prins d’une mesme langue. Ces deux preudommes chascun jour avec diligence en compaignée de l’enfermier doyent visiter les malades, comforter, corroborer et regarder les faultes et s’aulcunes trouveront les facent reformer. Et l’enfermier chascun moys est tenu de rendre compte aux dessusdictz preudommes ; et se ce faire recusera soit privé incontinent de son office.
Next Hospitalité 8 | Back to the Contents