Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
075-Eglise 42
[f1v]
Frere Pierre d’Aubusson cardinal et maistre
xlii. Que par les chappellains des esglises de nostre ordre soit [f2r] faicte spéciale mémoire es prières que feront à Dieu du maistre et de nostre ordre
Il est chose condécente et de louable observance de faire prière à Dieu pour ceulx qui en saincte esglise militent par les ministres dicelle. Et pourtant induitz de bonne raison establissons que en toutes les esglises(a) de nostre ordre, en quelque lieu que soient, les chappellains célébrans le divin office entre les oraisons que font à Dieu en pensées et parolles ayent espéciale mémoire et doyent prier pour le maistre et frères de nostre ordre affin que par l’aide de Dieu ensuyvent victoire des ennemys de la foy catholicque, à louenge de Dieu pour le nom et foy du quel combatent et que la divine magesté conserve nostre maistre et(b) ordre.
(b) par.
Next Hospitalité 1 | Back to the Contents